Ommaviy oferta

Ushbu Oferta Sotuvchining nomuayyan doiradagi yuridik shaxslar va yakka tartibdagi tadbirkorlarga qaratilgan rasmiy taklifi bo'lib, ommaviy oferta hisoblanadi.

Xaridor Tizimda ro'yxatdan o'tib «Roziman» tugmasini bosishi Ofertaning to'liq va so'zsiz qabul qilinishi (aksept) hisoblanadi. Aksept paytidan Oferta Tomonlar o'rtasida tuzilgan shartnoma kuchiga ega.

Xaridor aksept bilan quyidagilarni tasdiqlaydi: (a) u tadbirkorlik faoliyati doirasida xarid qilmoqda; (b) taqdim etgan ro'yxat ma'lumotlari to'g'ri; (c) Oferta matni bilan to'liq tanishgan. Shartnoma iste'mol maqsadidagi chakana xaridlarga mo'ljallanmagan.

Xaridorning Tizimdagi login orqali amalga oshirilgan barcha harakatlari Xaridorning o'z harakatlari deb hisoblanadi. Login maxfiyligi uchun Xaridor javob beradi.

Tizimda shakllangan elektron hujjatlar, qaydlar va tasdiqlashlar Tomonlar uchun yuridik kuchga ega bo'lib, nizolarda dalil sifatida qo'llaniladi.

Shartnoma o'zbek tilida tuziladi.

Buyurtma Tizim orqali beriladi. Sotuvchi Buyurtmani tasdiqlaganidan so'ng Tovar narxi qat'iylashadi va o'zgartirilmaydi. Narxlar so'mda ko'rsatiladi (QQS: kiradi / kirmaydi).

Minimal buyurtma summasi belgilanmagan.

Xaridor to'lovgacha Buyurtmani bekor qilishi mumkin. To'lovdan keyin bekor qilish faqat Tomonlar kelishuvi bilan amalga oshiriladi; bunda to'langan summa Xaridorga qaytariladi yoki kelishuvga ko'ra keyingi xaridlar hisobiga o'tkaziladi.

Tasdiqlangan Tovar omborda tugab qolgan (texnik xato) holatda Sotuvchi Xaridorni darhol ogohlantiradi va Xaridor tanloviga ko'ra: (a) to'lovni to'liq qaytaradi, yoki (b) muqobil Tovar / keyingi partiyani taklif qiladi. Bu holat 5.1-banddagi muddat buzilishi hisoblanmaydi.

To'lov Buyurtma tasdiqlangandan so'ng to'liq (100%) hajmda, naqd yoki Sotuvchi qabul qiladigan boshqa to'lov vositalari orqali amalga oshiriladi.

Tovar faqat to'lov to'liq tushgandan keyin jo'natishga qabul qilinadi. To'lov sanasi — mablag' Sotuvchi hisobiga/kassasiga tushgan kun.

Har bir Buyurtma bo'yicha hisob-kitob hujjatlari qonunchilikda belgilangan tartibda (shu jumladan elektron shaklda) rasmiylashtiriladi.

To'langan Tovar 10 (o'n) ish kuni ichida Xaridor tanlagan Shaxobchagacha yetkazib beriladi.

Markaziy ombordan 50 km radiusdagi Xaridorlarga Tovar ularning savdo nuqtasigacha yetkazib berilishi mumkin; jadvali Sotuvchi tomonidan belgilanadi.

5.1 va 5.2-bandlar doirasidagi yetkazish Xaridor uchun qo'shimcha haq talab qilmaydi (yoki boshqa tartib).

Sotuvchi Buyurtma tasdig'ida mo'ljallangan yetib borish vaqtini bildiradi; kechikish ehtimoli tug'ilsa, Xaridorni oldindan ogohlantiradi.

Olib ketilmagan Tovar. Tovar Shaxobchaga yetganidan so'ng Xaridor uni 15 (o'n besh) kalendar kun ichida olib ketishi shart. Bu muddatda saqlash bepul. Muddat o'tgach Sotuvchi Xaridorni ogohlantirib, Tovarni markaziy omborga qaytarishga haqli; qayta yetkazish Tomonlar kelishuvi bilan amalga oshiriladi.

60 kun davomida olib ketilmagan va aloqaga chiqmagan Xaridorning Tovari bo'yicha Sotuvchi to'lovni (haqiqiy saqlash/tashish xarajatlarini ushlab qolgan holda) qaytarib, Buyurtmani bekor qilishga haqli.

Shaxobchadan olib ketishda Tovar Xaridorning o'ziga yoki u vakil qilgan (yollagan) shaxsga topshirilgan paytdan Tovar bo'yicha tavakkalchilik va javobgarlik Xaridorga o'tadi. Topshirish Tizimda qabul qiluvchi ismi bilan tasdiqlanadi; Xaridor vakilining vakolati uchun Xaridor javob beradi.

Savdo nuqtasigacha yetkazishda (50 km zona) tavakkalchilik Xaridor Tovarni qabul qilib tasdiqlaganidan so'ng o'tadi.

Topshirilgunga qadar Tovar butligi uchun javobgarlik Sotuvchida.

Xaridor Tovarni qabul qilishda miqdori va tashqi holatini tekshirishi shart.

Tashqi shikast bo'yicha murojaatlar Tovar qabul qilingandan so'ng 2 (ikki) kun ichida qabul qilinadi; keyin bu asosdagi da'volar ko'rilmaydi.

Miqdor kamligi aniqlansa, Xaridor qabul paytining o'zida Tizim/Shaxobcha orqali qayd etadi; Sotuvchi tekshiruvni (shu jumladan muhrlangan joy va kamera ma'lumotlari asosida) o'tkazib, asosli kamomadni to'ldiradi yoki haqini qaytaradi.

Kafolat/qaytarish murojaatlari Sotuvchining servis bo'limi orqali rasmiylashtiriladi va 10 ish kuni ichida ko'rib chiqiladi.

Asosli murojaat bo'yicha Xaridor tanloviga ko'ra: Tovar almashtiriladi, yoki haqi qaytariladi, yoki kelishuvga ko'ra keyingi xaridlar hisobiga o'tkaziladi.

Kafolat qamrab olmaydi: noto'g'ri o'rnatish/foydalanish, tabiiy yeyilish, mexanik shikast (topshirilgandan keyingi), o'zboshimchalik bilan ta'mirlangan Tovar.

Kafolat muddati Tovar Xaridorga topshirilgan kundan hisoblanadi.

Tomonlar majburiyatlarini ushbu Oferta va O'zbekiston Respublikasi qonunchiligiga muvofiq bajaradi.

Sotuvchining har bir Buyurtma bo'yicha jami javobgarligi o'sha Buyurtma bo'yicha to'langan summa bilan chegaralanadi. Bilvosita zararlar (boy berilgan foyda va sh.k.) qoplanmaydi.

Ushbu chegara qonunchilikka ko'ra cheklab bo'lmaydigan javobgarlik holatlariga taalluqli emas.

Yengib bo'lmas kuch holatlari (tabiiy ofat, harbiy harakatlar, davlat organlarining taqiqlovchi hujjatlari, ommaviy kommunikatsiya uzilishlari va h.k.) yuz berganda majburiyatlar bajarilishi shu holat davriga to'xtatib turiladi.

Fors-major holatiga uchragan Tomon ikkinchi Tomonni 5 ish kuni ichida xabardor qiladi. Holat 60 kundan oshsa, har bir Tomon bajarilmagan qismga nisbatan shartnomadan voz kechishga haqli; bunda to'langan, lekin yetkazilmagan Tovar haqi qaytariladi.

Xaridor ro'yxat va Buyurtmalar davomida taqdim etilgan ma'lumotlar to'g'riligiga javob beradi va o'zgarishlar haqida Sotuvchini xabardor qiladi.

Xaridor Sotuvchiga o'z xarid tarixi va buyurtma ma'lumotlarini xizmat sifatini oshirish, assortiment va ta'minotni rejalashtirish maqsadida qayta ishlash va tahlil qilishga rozilik beradi. Ma'lumotlar qonunda belgilangan hollardan tashqari uchinchi shaxslarga berilmaydi.

Tomonlar hamkorlik davomida ma'lum bo'lgan tijorat ma'lumotlarini (narx shartlari, aylanma va h.k.) oshkor qilmaydi.

Nizolar avvalo muzokara yo'li bilan hal qilinadi: Xaridor yozma (shu jumladan elektron) murojaat yuboradi, Sotuvchi 10 ish kuni ichida asoslantirilgan javob beradi.

Kelishuvga erishilmasa, nizo Sotuvchi joylashgan yerdagi vakolatli sudda, O'zbekiston Respublikasi qonunchiligiga muvofiq hal qilinadi.

Oferta Tizimda e'lon qilingan kundan amal qiladi va muddatsiz hisoblanadi.

Sotuvchi Ofertaga o'zgartirish kiritishga haqli. O'zgartirishlar e'lon qilingandan 10 (o'n) kalendar kun o'tib kuchga kiradi va faqat shundan keyingi Buyurtmalarga qo'llanadi. Avval tasdiqlangan Buyurtmalarga eski tahrir amal qiladi.

Xaridor yangi tahrirga rozi bo'lmasa, yangi Buyurtma bermaslik huquqiga ega; bu avvalgi majburiyatlarga ta'sir qilmaydi.

Sotuvchi Oferta doirasidagi savdoni to'xtatish huquqiga ega; bunda qabul qilingan va to'langan Buyurtmalar to'liq bajariladi yoki haqi qaytariladi.